Медыцынскі турызм – гэта атрыманне медыцынскіх паслуг за межамі краіны пражывання. І калі два дзесяцігоддзі таму Беларусь не ўваходзіла ў пералік дзяржаў, прывабных для паездак “па здароўе”, то цяпер усё змянілася. У нашу краіну прыязджаюць на аздараўленне, правядзенне рознага кшталту аперацый, дыягностыку. Замежныя пацыенты годна ацанілі ў тым ліку высокі ўзровень беларускіх стаматалагічных клінік.

Наша паліклініка мае добрую рэпутацыю не толькі ў Рэспубліцы Беларусь, але і за яе межамі. Да нас па прыгожую ўсмешку прыязджаюць жыхары краін СНД і далёкага замежжа. Пацыентаў прывабліваюць найноўшыя метады лячэння і пратэзавання зубоў, прыязнае і ветлівае стаўленне персаналу, высокая кваліфікацыя ўрачоў і прыемныя кошты стаматалагічных паслуг. Выдатныя суадносіны кошту і якасці лячэння.

Дзякуючы шматгадоваму досведу, наяўнасці самага сучаснага абсталявання, выкарыстанню найноўшых лічбавых тэхналогій і індывідуальнаму падыходу да кожнага пацыента нам давяраюць і аддаюць сваю перавагу замежныя грамадзяне.

З намі стаматалагічная дапамога на самым высокім узроўні даступная. Мы аператыўна атрымліваем дадзеныя пра стан здароўя па інтэрнэце, кансультуем, падбіраем індывідуальную праграму дыягностыкі і план лячэння, разлічваем папярэдні кошт паслуг.

План вашага лячэння і тэрміны знаходжання мы можам папярэдне ўзгадніць, калі вы дашляце панарамны здымак (пажадана ў лічбавым выглядзе) і/або фатаграфіі твару ў профіль і анфас, фота ўсмешкі, а таксама свае пажаданні на наш e-mail: stomatolog_9@mail.ru

Тым, хто выбірае нас, мы дапамагаем арганізаваць прыезд і размяшчэнне, рэкамендуем самыя цікавыя месцы для наведвання і адпачынку. Да нас вы заўсёды можаце звярнуцца па любую дадатковую інфармацыю, і мы будзем рады дапамагчы.

У ААТ “9-я стаматалагічная паліклініка” CRYSTAL DENT заўсёды рады бачыць у сябе ў гасцях жыхароў іншых краін! Да нас прыязджаюць не толькі з суседніх дзяржаў, але і з далёкага замежжа.

Мы аказваем наступныя віды дапамогі:

• прафілактыка стаматалагічных захворванняў;
• лячэнне зубоў, адбельванне зубоў, прафесійная гігіена, эстэтычная рэстаўрацыя зубоў, шыніраванне зубоў, вінірынгавае пакрыццё (прамы метад) і інш.;
• хірургія (імплантацыя, выдаленне зубоў, пластыка вуздэчак: вуснаў, языка, пераддзвер’я поласці рота) і інш.;
• артапедыя: пратэзаванне з дапамогай здымных і няздымных канструкцый, пратэзаванне зубоў металакерамікай, безметалавай керамікай, каштоўнымі металамі (золата);
• артадантычнае лячэнне (брэкеты, пласцінкі);
• фізіятэрапеўтычнае лячэнне;
• прыцэльная і панарамная рэнтгендыагностыка.

Перавагі лячэння ў нашай паліклініцы:

• штат дасведчаных урачоў-стаматолагаў;
• сучаснае абсталяванне і матэрыялы;
• аказанне ўсіх відаў стаматалагічных паслуг у адным будынку;
• размяшчэнне ў цэнтры горада (ст. м. Пл. Перамогі, зручнае транспартнае злучэнне);
• зручны графік работы;
• замежныя грамадзяне абслугоўваюцца па тым жа прэйскуранце, што і беларускія грамадзяне.